Путин россиялик мусулмонларни Рамазон ҳайити билан қутлади

Муҳаббат ила баҳамлашинг



Дунёда

Ҳавола олиш

231 0 0

Россия етакчиси ўз табригида Россия мусулмонлар жамоаси мамлакат ҳаётида фаол қатнашаётгани ва жамиятда миллатлараро тинчликка бебаҳо ҳисса қўшаётганини қайд этган.

ТОШКЕНТ, 24 май — Sputnik. Россия президенти Владимир Путин Россия мусулмонларини Рамазон ҳайити билан муборакбод этди.

Путин ушбу айём ўзида алоҳида маънавий маънони мужассам этишини таъкидлаган. У байрам асрлар давомида нафақат самимий дуолар, балки кўмакка муҳтожларга эътибор қаратиш билан ҳам нишонланиб келаётганини урғулаган.

“Таъкидлайманки, россиялик мусулмонлар ота-боболарининг тарихий, маданий, диний анъаналарига чуқур эҳтиром билан қарайди, улғаётган авлодни улар билан таништиради. Россия мусулмонлар жамоаси мамлакат ҳаётида фаол қатнашмоқда, жамиятда миллатлараро тинчлик ва фуқаролик тотувлигини таъминлаш, оила институтини мустаҳкамлаш, ёшларни тарбиялашга бебаҳо ҳисса қўшмоқда”, — дейилади Россия етакчиси табригида.

Рамазон ҳайитини дунё мусулмонлари қатори Ўзбекистон аҳли ҳам катта шодиёна ва хурсандчилик билан ўтказади. Ўзбекистон президенти Шавкат Мирзиёев ҳам мамлакат аҳолисини Рамазон ҳайити билан табриклаган эди.

_______________________________________________________________________ Барча маълумотлар ва хабарлар очиқ манбалардан олинган.
Ижтимоий тармоқлардаги каналлар, гуруҳлар, саҳифаларда муаллифларнинг билдирган фикрлари Kitab.Uz сайти таҳририяти фикридан фарқ қилиши мумкин _______________________________________________________________________



Манба: Sputniknews.Uz

Шарҳ ёзиш