Путин Лукашенкони сайловда эришган ғалабаси билан қутлади

Муҳаббат ила баҳамлашинг



Якшанба куни Беларусда президент сайловлари ўтказилди. Сайловда 5 миллион 790 минг киши иштирок этди.

ТОШКЕНТ, 10 авг — Sputnik. Россия президенти Владимир Путин Беларусь президенти Александр Лукашенкони республика президенти лавозимига қайта сайланганлиги билан табриклади. Бу ҳақда Кремл матбуот хизмати хабар қилди.

Якшанба куни Беларусда президент сайловлари ўтказилди. Сайловда 5 миллион 790 минг киши (84,23%) иштирок этди. Дастлабки маълумотларга кўра, Лукашенкога 4 миллион 652 минг киши овоз берди ёки сайловчиларнинг 80,23 фоизи.

Путин унга табрик телеграммасини жўнатди.

“Умид қиламанки, Сизнинг давлат фаолиятингиз Россия-Беларусь ўзаро манфаатли муносабатларининг барча йўналишларда ривожланишига, Иттифоқчилик давлати доирасидаги ҳамкорликни чуқурлаштиришга, Евроосиё иқтисодий иттифоқи ва МДҲ йўналиши бўйича интеграция жараёнларини кучайтиришга, шунингдек, Коллектив Хавфсизлик Шартномаси Ташкилотидаги ҳарбий-сиёсий алоқаларга ёрдам беради. Бу, шубҳасиз, қардош Россия ва Беларусь халқларининг асосий манфаатларига жавоб беради”, — дейилган табрикда.

Светлана Тихановская (574 минг киши ёки 9,9 %), Анна Канопацкая (97,9 минг, 1,68 %), Андрей Дмитриев (60,5 минг киши, 1,04 %), Сергей Черечень (65 минг киши 1,13 %) овоз олган.

_______________________________________________________________________ Барча маълумотлар ва хабарлар очиқ манбалардан олинган.
Ижтимоий тармоқлардаги каналлар, гуруҳлар, саҳифаларда муаллифларнинг билдирган фикрлари Kitab.Uz сайти таҳририяти фикридан фарқ қилиши мумкин _______________________________________________________________________



Манба: Sputniknews.Uz

Шарҳ ёзиш